ഏകാങ്കനാടകം
സ്വര്ഗ്ഗം ഭൂമിയില് പണിയുക.. അല്ലെങ്കില് പണി കിട്ടും
സ്വര്ഗ്ഗ കവാടത്തിലെ വിശുദ്ധ പത്രോസ് കേരളത്തില് നിന്നായിരുന്നെങ്കില് എന്ന ക്ഷേക്സ്പീയര് നാടകം!
കഥാപാത്രങ്ങള്
പത്രോസ്, വല്യമ്മ, നടന്, അച്ചന്
കര്ട്ടന് ഉയരുമ്പോള് രംഗം സ്വര്ഗ്ഗം. പത്രോസ് വാതുക്കല് നില്ക്കുന്നു. ഉച്ചത്തില്.
പത്രോസ്: അടുത്ത കോന്തന് വരണം.
(വളരെ പ്രായമായ ഒരു വല്യമ്മ കയറി വന്നു)
പത്രോസ്: ഈ ഒടുക്കത്തെ കാലം മുഴുവന് നാട്ടില് സുഖമായി കഴിഞ്ഞിട്ട് ഇനിയും സുഖിക്കാനാനെങ്കില് നോക്കണ്ട.
വല്യമ്മ: എന്റെ പോന്നു മോനെ എന്റെ മരുമോള് എന്നെ തീറ്റി കൊല്ലിക്കാന് നോക്കി. ഞാനുണ്ടോ വിടുന്നു. ഞാനങ്ങനെ നിരാഹാരോം യോഗയും ഒക്കെയായി അങ്ങ് പിടിച്ചു നിന്നു. എന്റെ അമ്മായി അമ്മ എനിക്കിട്ടു കൊറേ പണിതതാ. അതിന്റെ രണ്ടു പങ്കു മരുമോള്ക്കും ഇരിക്കട്ടെ എന്ന് കരുതി. അതൊരു തെറ്റാണോ കൊച്ചേ?
പത്രോസ്: തള്ളെ സമ്മതിച്ചിരിക്കുന്നു. ഇവിടെ കിടന്നു മരുമോള്ക്കിട്ടു പണിയാമെന്നോന്നും കരുതണ്ട. ഒള്ള കഞ്ഞീം വെള്ളോം ഒക്കെ മോന്തി മര്യാദക്ക് ആ കോണിലെങ്ങാന് പോയി കെടന്നോണം. ഇല്ലെങ്കില് കോണകശീല പോലെ ഇരിക്കുന്ന തള്ളെ നാലായി വലിച്ചു കീറി പാതാളത്തില് തട്ടും.
വല്യമ്മ: ഇതേതു പൂഞ്ഞാന് ആണോ ഈ പണ്ടാരത്തിനെ ഇതിഇന്റെ വാതുക്കല് തന്നെ നിറുത്തിയത്?
പത്രോ: ഇതേ തള്ളേ കൂടുതല് പണിയാതെ വേണേല് കേറിപ്പോ.
വല്യമ്മ: ഇതിനാണോ തമ്പുരാനേ ഞാന് ചെര്പുങ്കല്, അരുവിത്തുറ ഒക്കെ പോയി ഈ കണ്ട എണ്ണഒഴിം തിരികത്തിക്കലും ഒക്കെ നടത്തിയത്
(മനസ്സില്ലാ മനസ്സോടെ ഞെങ്ങി ഞെരുങ്ങി വല്യമ്മ അകത്തേക്ക് കയറിപോയി)
പത്രോസ്: ഇവനേതാ ഈ ഒടങ്ങലി?
(കേരളത്തിലെ പേരു കേട്ട ഒരു സിനിമാ നടന് കയറി വന്നു.)
നടന്: ഞാന് പ്രശസ്ത നടന്.... എന്നെ അറിയില്ലേ?
പത്രോസ്: നീ ഏതു പെരട്ട നടന്? നിന്റെ പേരു പോലും ഈ ബുക്കില് ഇല്ലല്ലോ! ചുമ്മാ ഓസില് കയറിക്കൂടാം എന്ന് വിചാരിച്ചോ?
നടന്: അല്ല സാറെ എനിക്ക് ചില അവാര്ഡ് ഒക്കെ കിട്ടിയ ആളാ.
പത്രോസ്: ഏതു കോപ്പന് ആണെങ്കിലും വേണ്ടില്ല. പോയി ആ കോണില് എങ്ങാനും ചെരിഞ്ഞോ. തന്നെ രണ്ടു മാസം പട്ടിണിക്കിട്ട് ഒന്ന് നന്നാക്കി എടുക്കമോന്നു നോക്കട്ടെ.
(ഇടുങ്ങിയ വാതിലിലൂടെ അകത്തോട്ടു കയറാന് പണിപ്പെടുന്ന നടനെ പത്രോസ് പിന്നില് നിന്ന് ഒരു ചവിട്ടു കൊടുത്തു അകത്തേക്ക് ഇട്ടു.)
പത്രോസ്: എനിക്ക് പണിയുണ്ടാക്കാന് ഓരോന്ന് ഇറങ്ങിക്കോളും
(പുറത്തേക്ക് നോക്കി)
പത്രോസ്: ആരാ കിളവാ അവിടെ ഒചാനിച്ചു നില്ക്കുന്നത്? തന്റെ തിരുമുഖം ഒന്ന് കാണട്ടെ!
(കേരളത്തിലെ വളരെ പേരുകേട്ട ഒരു വൈദികന് കയറി വന്നു)
അച്ചന്: അല്പം ബഹുമാനം ഒക്കെ ആകാം
പത്രോസ്: താനെന്നെ മര്യാദ പഠിപ്പിക്കാന് വന്നതാണോ? അതോ ഇവിടെ മര്യാദക്ക് കഴിയാന് വന്നതാണോ? താന് നാട്ടില് ആയിരുന്നപ്പോ കൊറേ ഉണ്ടാക്കിയതല്ലേ എന്നിട്ട് എത്ര എണ്ണം രക്ഷപെട്ടു? തന്റെ പേരു രണ്ടു പ്രാവശ്യം ഇവിടെ വെട്ടി കളഞ്ഞതാ? പിന്നെ മാര്പ്പാപ്പ പറഞ്ഞത് കൊണ്ട് മാത്രം ഇങ്ങോട്ട് കൊണ്ട് വന്നതാ. താനെന്നാ ഗുണവതിയാരം ആടോ നാട്ടില് ചെയ്തത്?
അച്ചന്: ഞാന് പള്ളി പണിതു, സ്കുള് പണിതു പിന്നെ..
പത്രോസ്: പിന്നെ അതിന്റെ വകേല് കൊറേ അടിച്ചെടുത്തു ബന്ധുക്കള്ക്ക് എല്ലാം വീടും പണിതു. എന്നിട്ട് നാട്ടുകാരെ പറഞ്ഞു പറ്റിച്ചു ഇതെല്ലാം ദൈവത്തിന്റെ മഹാദാനം ആണെന്ന്. തന്നെ ഒക്കെ സൃഷ്ടിച്ചു നാടിലോട്ടു വിട്ട സമയത്ത് ഇവിടെ രണ്ടു വാഴ നട്ടിരുന്നെങ്കില് ഇന്നതിന്റെ കൊലവെട്ടി നാല് പഴം തിന്നാമായിരുന്നു.
അച്ചന്: അരുതാത്തത് ഒന്നും പറയരുത്, തമ്പുരാന് കോപിക്കും.
പത്രോസ്: തന്റെ തോന്ന്യാസം എല്ലാം പുണ്യകര്മം. ഞാന് എന്തെങ്കിലും പറഞ്ഞാല് അത് പാപം. കൂടുതല് എഴുന്നള്ളിക്കരുത്. തന്നെ വന്ന വഴി ഞാന് തിരിച്ചു വിടും.
അച്ചന്: എന്റെ കസേര എവിടെ ആണെന്ന് പറഞ്ഞാല് വല്യ ഉപകാരം ആയിരുന്നു.
പത്രോസ്: താന് തന്റെ കറങ്ങുന്ന കസേരയില് ഇരുന്നു കൊറേ നല്ല മനുഷ്യരെ ഒലത്തിയത് അല്ലേ. തല്ക്കാലം ഇരിക്കണ്ട.
അച്ചന്: എനിക്കൊരു ടി.വി കമ്പ്യുടര് ഒക്കെ കിട്ടുമോ?
പത്രോസ്: ഈ അമ്പത്തിഅഞ്ചു വര്ഷം താന് തന്നെ അതിന്റെ മുന്പില് പ്രതീക്ഷ്ടിച്ചിട്ടു ഇപ്പോഴും അതിന്റെ വ്യാക്കൂണ് തീര്നില്ലേ?
അച്ചന്: അതങ്ങ് ശീലിച്ചു പോയി. രാവിലത്തെ കൂദാശ കര്മം കഴിഞ്ഞാല് പിന്നെ അതെ ഉണ്ടായിരുന്നുള്ളൂ ഒരു ശരണം.
പത്രോസ്: തന്റെ വര്ഗം മുഴുവന് പെഴച്ചു പോയി. ഇനി ഒറ്റ എണ്ണത്തിനെ ഇതിന്റെ പടി കയറ്റില്ല. ഇവിടെ തന്നെപ്പോലെ വല്ല കാലത്തും ഒരുത്തന് വരും തന്റെ വര്ഗത്തില് നിന്ന്. അതും ഇവിടം മുടിപ്പിക്കാന്.
അച്ചന്: ഞാനിതൊന്നും പ്രതീക്ഷിച്ചല്ല നാട്ടില് കഴിഞ്ഞത്. ഇതെങ്ങനെയോ അബദ്ധം പറ്റി ഇവിടെ പെട്ടു പോയതാ . ഇനി അങ്ങോട്ട് നന്നായി ജീവിച്ചോളാം.
പത്രോസ്: എന്നാ പോയി അങ്ങോട്ട് പടഞ്ഞോ! എനിക്ക് വേറെ പണി ഉണ്ട്..!
പത്രോസ് പറ്റ്പുസ്തകം അടച്ച് വാതില് കൊട്ടിയടച്ചു ഒരു കൊടുങ്കാറ്റു പോലെ അകത്തേക്ക് പോയി. പിന്നെ ലൈനില് നിന്നവര് ഏതാണ്ട് പോയ അണ്ണാന്റെ കൂട്ട് കീഴോട്ടും നോക്കി നിന്നു.
കര്ട്ടന്
